Feeds:
Posts
Comments

Archive for the ‘شِعري المقصّف .. !’ Category

قبل ما النور يعرّي البيوت والحيطان

أنزل 

أفض بكارة الشوارع

تدوب الرجل الثابتة على الأسفلت

كأنه قطن هرب من سحابة بيضا

أراجع مع الندى أسامي اللي ماتوا

أفتكرهم

نرقص شويّة

يادوب يبقى الصوت.. اتنين

وننسحب بهدوء، قبل ما الناس تنتهك خلوتنا

الاختلاء بالنفس في عرض الطريق

تجربة من تجارب البحث عن الشغف

البحث عن ضياعك بين اللذة والألم

البحث عن شيء مش عارف إيه هوّا

اختلاط ضمايرك بين الغايب والمتكلم  والمخاطب

لأنك فضلت مرحلة مش عارف إنتا مين فيهم..

إصابة روحك بتفتكرها لما تشوف كلب رافع رجله وبينطّ من الألم 

مش قادر تعترف إن جوّاك خوّخ وشرّخ!

مش قادر تعترف إن كلّ الناس شايفاك!

إلاّك!.. 

 

 

 

Read Full Post »

ألـوان الشبابيك البيضا

والتعابير المرسومة ببطء على الهامش

ودلايل فقد الذوق الحلو

تليفونك

وعلبة سجاير معدن

وإزازة بيرة مشروبة للنص

وحاجات تافهة كتير

-مزيكا افتراضية ماشية ببطء ورايا عاملة خلفية حزينة –

كتبي المرميّة بترتيب

كشاكيلي المفتوحة

وكتب الفن على الحافة

رسمة محمد حجّي على الحيطة اللي ورايا

مراقباني

وأنا باكتب وبكل سذاجة الدنيا

بحبك

و صورتي وأنا بأنازع

واتنازع

وأتمزّع

وانتي مع المطرة

بتنسحبي وبتروحي بعيد

Read Full Post »

 

 

هبوس خدّك ..

واغطّي بالجبين وردك ..

وأطرح شمس في بردك ..

وتهويني وأهواكي ..

وتنسيني وأنساكي ،

وتبكيني ..

أجيلك م النفق راكع ..

اجري الدم في مدامع ،

وأفوق وأصحى

ألاقي الفرحة ميت فرحة ،

وأجيلك في الهوا تاني ،

وأجيلك في التراب آني ،

وأجيلك وردة في المغرب

وأجيلك مستوي بشوقي ،

وأجيلك مكوي من فوقي ،

وأجيلك تزحف عروقي ،

وابوسك تاني من خدّك ،

وأغطي بالجبين وردك

و تحضنّي دموع أرضك

وأدفن جتتي فيكي

وتكويني .. وأكويكي

وأصلّي في البراح فرضك !

Read Full Post »

طل الغريبةُ .. دمعتان على وطن

طل الحبيبةُ ..فأس حق تبتغي رأس الوثن

طل الجميلةُ .. في ثباتٍ تسرع الخطو السديد تعيد ترتيب الزمن .. !

Read Full Post »

لا أعرف الشخص الوضيع ! ..

بيد أن ملامحهْ

باتت تؤانسني لوقت .. كنت أحسبه الأزل ..

كنت أحسبني انشطرت ولم يزل يخامرني سؤالٌ ..

من هوَ الشخص الوضيع !؟

قال صوت باطنيٌّ .. أنت هو

ضاع علمي بين حرفين

حين قال الصوت أنت يـا ” شخصُ ” الوديع ..

Read Full Post »