Feeds:
Posts
Comments

Archive for the ‘Random Art Works By Me !!’ Category

Advertisements

Read Full Post »

Read Full Post »

إهداء لصاحب فضيحة رشوة مرسيدس


عجبي عليك يا زمن .. فيك البتاع ده وزير

يعب من حر مالي .. عباً ولا الخنزير

سروق سفاح حرامي ..  ضميره غوط البير

ونعمل ايه يا زمن  .. والموضة التعرير .


*عزيزي القاريء شغل خيالك المريض زي مانتا عايز في الكلمات بالأحمر .

*محاكاة مع حفظ حق عم نجيب الله يرحمه .

Read Full Post »


وانتا ماشي ع الطريق .. متفتكرش ببصتك ع الجنب ده والجنب ده بتكشف طرق ..

وانتا ماشي وحدك ع الطريق .. متفتكرش إن ببصتك ع الجنب ده والجنب ده بتفتح طريق لرفيق ..

اللي كتفه لحم في كتفك صدفة يمكن أو نصيب .. حظ .. أو كلام أبراج أو فنجان وبتنجان .. عينكوا على نفس المكان ممكن بروحكم اتّحـَدتوا في يوم .. ومستحيل تتجمع الأجساد .

عشان كده بيقوم المغني العبيط يغني ..

ويليّل الدنيا النهار .. – أصله بيخاف م النهار – أصله بيخاف م المرار – ويبكي على عينه اللي راحت

في البص على شبهة طريق ذات اليمين .. وذات الشمال

اللي كان مشغول يدوّر كل لحظة عليه .. لو بطرف عينه شااف اللي كتفه من زمان طويل أوي ساند عليه ..

كان هيعرف إنه أهبل .. أو مغفل .. لما يتهيأله إن الطريق جنبين وبس ..

الطريق جنة في إيدين وعنين .. وحس


* مش كـل اللي بنحبهم نقدر في كل وقت نقول بنحبهم .. ولا كل اللي واحشنا نقدر في كل وقت نقول وحشتونا ..

Read Full Post »

ــر

يامّا ولا تخافي،  أصل الكلام يفضل كلام والشعر مبيسجنش ..

لو حتى نار صافي ، قالوا اللي مكتوب في الكتب لا يمر على عين العوام وان مر ميلونش ..

الأحمر الخافي ، يبين إذا قام ابن الكرام يصرخ يقول الحق يهز وش الأرض هزة مبتسكنش ..

وأنا أصلي ماتلونش ..

وشي أنا من لون طمي النيل أسمر ومتعافي .. تلمسني يد البنية الحورا تسحرني أذوب أنا من عمق مصريتها ماتكونش ..

وأدوب في عشق البين بين مصر ف عينيها مزرعة بساتين زتون وإيديها من عمق الزلع تحلبلي مش ..

حالي ماهو ممرر ولا طعمه متغير ..

بطعم خير صافي

وتبسملي وأبسم ، “عيني” لا تخافي

،لأجل عيونك الحورا وعينها يا مصر ماستسلمش ..

Read Full Post »

بيني وبينك مَر طريق .. بيني وبينك مُر طريق ..


يكتب اسمي بلون الدم ويصرخ فيّا قوم يا رفيق ..


أنام على كتفك يمكن لوني الذابل فيكي يرد عليكي يواسي دمعة سريت فوق خد النعسانة ف باب الخلق أوفي طريقها بينا وبين البلد الأفرنجي تشد غريق ..


وكتاب الحق أنا قلتله لأ .. مش ناوي أسكت بين الآه واللأ ..


اتشدت مني الآهه لقيتني أرق ..


وصبحت بعد وساخة عمري الأول قلب بريء !!

Read Full Post »

old

ويقيمُ في قصرِ بعيدْ ..

واتكاءته على وهنِ تزيدْ ..

ويرى خلال عيونها المتوقدهْ

ما بعد سبعينَ ونصفِ أو يزيدْ ..

يرى ملاكاً للمحبة بات يولد من جديدْ ..

Read Full Post »